Світознамый Америчан быв Русин із Словакії

22. фебруара 2015 сьме собі припомянули день в 1987 року, кідь пішов у вічность єден із нашого русиньского роду. Одыйшов у вічность світознамый Америчан русиньского походжіня, котрого умелецьке діятельство має великый вплив на цїлосвітове вытварне уменя і културу і по ёго фізічнім одходї. Реч є о Енді Варголови, родженым як Андрев Варгола (по русиньскы – Андрій Вархола), котрый быв третїм сыном Русинів Андрія Вархолы і Улї Завацькой з русиньского села Микова. Народив ся уж Піттсбурґу, де ёго родічі одышли за роботов, а прославив ся главно поп-артом. Быв воркоголіком – своёв каждоденнов роботов здобыв заслужену славу і світове мено.Світознамый Америчан Варгол быв Русином, якых мы Русины много не маме, повіджено такого славного маме лен єдиного.

-ок-