Од 1. 4. 2015 русиньскы радія нелем на інтернетї

Од 1-го апріля 2015 дві русиньскы радія лем фм і русин фм росшырюють своє высыланя і за граніцями інтернету. Радія підписали договор з кошіцьков фірмов Antik. Радіо лем фм было до портфолія фірмы зараджене в половинї марца 2015. Молодше русин фм є офіціално пошырёване од 1-го апріля 2015 р. О што властно іде?

Высыланя радій было придане клієнтам фірмы, котры од нёй хоснують IPTV, OTT або мобілну аплікацію про смартфоны. В рамках IPTV фірма Antik покрывать головно выходну і северну часть Словакії – місто Кошыці і навколишні села, Требішов, Сечовці, Воронів над Топльов, Гуменне, Стропків, Попрад, Світ і далшы. В рамках ОТТ є служба фірмы Antik доступна на теріторії цілой Словакії – од Чорной над Тисов аж по Голіч. Єднаке покрытя є і в рамках їх мобілной аплікації Antik TV GO.

Од днешнього дня так можете нашы дві русиньскы радіа слухати і без компютера ці смартфона. Вшыткы клієнты фірмы Antik собі радіа можуть слухати і через свої сет-топ-боксы, ці через свої „розумны“ телевізоры.

Go back