К: Нашыма ворогами сьме мы самы

Знимам калап і глубоко кланям ся душпастырёви проф. ПгДр. Пeтрови Пітьгуови, к. н., почливому докторови, накілько быв так храбрый і почливый, же озвучів нам обще добрї знамы цїлосполоченьскы проблемы. Назвав і виноватого – «мы самы». Значіть, інакше повіджено – «мы вшыткы». Што практічно значіть «нихто». Нажаль, не нашов дость силы на то, жебы зачав од інштітуції, котрой є представителём. Од інштітуції, котра была і є наперек вшыткому надале у вопросї віры, ідеалу вартости чоловіка найвысшов інштітуціёв. Не бісїдую уж о тім, же як теолоґ-науковець міг попробовати найти і причіны теперїшнёго стану.

Накілько єм рїшив реаґовати, не оставать мі нич інше, як авторови проповідї в гляданю причін помочі. Не єм науковець. Курто лем напишу, як тоту річ виджу я. Свою частку вины на теперішнїм станї западной европской хрістіаньской цівілізації мать і католицька церьков зато же:

1) Звязала ся з Франьксков імперіёвіз цїлём за помічі франькского огня і меча здобыти світовладу. Повіджено теперішнёв термінолоґієв дошло к споїню „soft power“(мягкой силы) і „hard power“(твердой силы). Цітую з писма франьского краля Карла Великому папови римскому Левови III. В роцї 795 н. е., з нагоды ёго зволїня за папы римского: „Придержуйте ся певно святых законів і старостливо дотримуйте правила Отців, най ваше світло світить над людми. Нашов задачов є бранити з помочу Божов і зо збранёву руцї святу Церьков Хрістову  звонка всягды проти впадам бусурманів і пустошіню безвірцїв, во внутрї ю потім зміцнити познанём правой віры. Вашов задачов, Святый отче, потім є піднимати подля прикладу Мойсея, бідняків к молитві і помочі тым нашому войску, абы з вашым ородованём, веджінём і ґаранціов Господа, хрістіаньскы люде в каждым часї вітязили над ворогами і велебили так мено нашого Господа Ісуса Хріста по цїлім світї“. (Посмоть: Jindra Jarošová, Svatí Kacíři, Radioservis, a. s., Praha, 2000, с. 68.).

2) Католицька церьков з помочов франькского огня, меча і інтріґ завела нa здобытых землях свою юрісдікцію. Приклад: ліквідація кіріломефодьского духовного і културного центра Великой Моравії в септемберї 885 поку в (Нїтрї?) … І дале продовжовала в снажіню реалізовати духовны цїлї світьскыма средствами.

3) Теріторіалне здобытя, установлїня своëй церьковной юрісдікції (переход земель і віруючіх під юрісдікцію папы римского…) не значіло здобытя «духовных цїлїв». У дослїдку того взникнув роздїл міджі тым, што церьков проповідує і што чінить. Тоту сітуацію характерізує народна приповідка: „Воду проповідує, а вино пє”.

4) Так возникла на єднім боцї покривена традіція віхiнґовской хрістіаньской цівілізації, a на другім боцї сьме зазначіли успіхы протестантізму, лібералізму і секуларізації громады. Годно увагы:

a) найвыразнїша є страта віры і авторіты церькви в западных частях Европы, де нич не сперало ани несперать дїяню і розвитю церькви;

б) на традічных ісламскых землях не видїти одклонїня заможных од Ісламу.

5) Тоты страты на своїх традічных землях ся католицька церьков снажыть рїшати не зновуєвангелізованём атеїстів, Циґан, обертанём мусулманім на хрістіаньство, … теперь дрібнов роботов(службов), особным прикладом … з помочов„слова Божого“, а замінять то експандованём-здобытём „твердых вірників“, т. є. обернутём уж готовых, глубоко віруючіх Православной церькви на ґреко або прямо римокатолицьку віру. І здасть ся, же нa Українї ся опорошыла стара метода споїня „soft power“ і „hard power“.

6) Того часу вшыткы збераме плоды (наслїдкы) мінімално пятёх высше уведженых пунктів.

Є то духовный крізіс, котрый захоплює вшыткы сферы жытя.

Обидві духовны посланя „Вызва атеньскых братїв к повстаньцям Донбасу“, попозерай:http://www.holosy.sk/sk/m%D1%96lan-semanch%D1%96k-31, як i проповідь: „ Нашыма ворогами сьме мы самы“, попозерай: http://www.holosy.sk/sk/m%D1%96lan-semanch%D1%96k-32, выходять із реаліты і суть рїшены з честного духовного погляду. Але якый роздїлный є їх дух!

В першім духовнім посланю – кріпка віра в Господа і вітязство: „… Ворог є міцный, хытрый і лукавый, но він буде дочіста розбьтый тыма, котры мають в мыслї i сердцю Хріста! І тогды підниме ся наша отцюзньна, бо Господь не з тыма, што суть міцны, а з тыма, котры мають правду!...»

В далшім (другім) духовным посланю – образ катастрофы западного світа: „… Сьме, вера,  бідны і на сміх. Взяли сьме своій области вязебность културы і нашы соборы ся валяють і общіна людей ся мінить в громаду розвадженых еґоїстів. Стратили сьме вартость і дїл (міру) чоловіка, бо є дочіста лоґічно, же кідь одшмариме своє хрістіанство і збыдеме ся Господа, збыдеме ся і чоловіка, затоже перестанеме знати, як мать вызерати. Як собі нас будуть годны мусулмане важыти, кідь они мають Господа, і мы ниякого не маме…»

Порівняйте собі тоты дві посланя. Знайте, же то што з Европов учінила віхінґовсёка путь актуалізована (upgrade) на америцьку путь, учінить і з вами. Ходьте радше тяжшов, но честнов путёв поставленов кіріломефодьсков духовностёв і културов.

Мілан СЕМАНЧІК, Тренчін

Подробнїше посмоть мій цікл статей: http://www.holosy.sk/sk/m%D1%96lan-semanch%D1%96k-0 аж http://www.holosy.sk/sk/m%D1%96lan-semanch%D1%96k-31

Прямо односны статї:
- К: Ідеї на рїшіня сітуації в русиньскім русї на Словакії 2 (екскурз до історії Русинів):http://www.holosy.sk/m%D1%96lan-semanch%D1%96k-2
- Без русофільства русиньскый рух загыне!:
http://www.holosy.sk/m%D1%96lan-semanch%D1%96k-0
- Наше походжіня (общоруське):
http://www.holosy.sk/m%D1%96lan-semanch%D1%96k-4
- Кіріломефодьска духовность і култура (проба о дефініцію):
http://www.holosy.sk/m%D1%96lan-semanch%D1%96k-10