Бесїда зо штудентами ґімназії

В рамках проґраму Русиньского фестівалу 2014 у Свіднику была 21. мая 2014 і бісїда з председкынёв Сполку русиньскых писателїв Словеньска і научнов таёмнічков Інштітуту русиньского языка і културы Пряшівской універзіты у Пряшові ПгДр. Кветославов Копоровов, ПгД. Бесїда ся одбыла вєдно з паверпоінтовов презентаціов о Сполку русиньскых писателїв Словеньска i ёго задачі при розвитку літературного языка Русинів. Бесїда прошла на Ґімназії дукляньскых героїв у Свіднику і взяли на нїй участь штуденты 3. класы. А было радостно, кідь на вопрос, хто знать русиньскый язык, панї Копоровій дві третины з трёх десяток штудентів підняло рукы догоры.

Гость з Пряшова розповів  о діятельстві спомянутого сполку і вызвав притомных, жебы і они ся їмили пера і снажыли ся писати літературны творы, а, може, дакотры з них ся стануть і писателями, докінця писателями в русиньскім списовным языку. Гость росповів штудентам і о высше уведженім Інштітутї і можностях штудія на Пряшівской універзіты русиньскый язык і літереатуру в комбінації з іншыма предметами. Подобного характеру бесїды і презентації суть хосенныма у процесї возроджіня і далшого розвитку Русинів.

-р-, фоткы: Л. Шандалова