Біловежа одсвятковала 660 років
Од 26. дo 28. юна 2015 русиньске село Біловежа одсвятковала 660 років од першого писемного документу, в котрім ся тото село споминать. Святкованя приготовило село вєдно із Пряшівскым самосправынм краём, Горношарішскым освітнім центром в Бардеёві і Містнов орґанізаціёв Русиньской оброды на Словеньску.
26. 6. 2015 од 16.00 год. на участных чекав проґрам, котрый приготовили дїти з Матерьской і Основной школы в Біловежі. В суботу, 27-го юна, на навщівників наперед од 17.00 год. могли попозерати выставку образів і фотоґрафій звязаных зо селом, і о 18.00 год. в Біловежі заграв дві єднокатовкы од Чехова – Медвідь і Спросины єдиный на світї професіоналный русиньскый театер, Театер Александра Духновіча з Пряшова.
В неділю, 28-го юна, святкованя зачало о 9.00 год. Божественнов літурґіёв у містній церькви. Од 13.00 год. быв про участників свяа приготовленый културный проґрам, в котрім выступили: фолклорный колектів Біловежанка, фолклорный колектів Лацкова, фолклорный колектів „Melody“, солісты, но головоным тяглом проґраму були Кандрачовцї.