48. Фестівал културы і шпорту в Улiчу

В днях 4. – 5. юла 2015 в русиньскым селї Улич буде проходити 48. Фестівал културы і шпорту. В суботу од 13.00 год. буде футбаловый турнай, в котрым ся будуть змагати команды і з другых русиньскых сел. Пак од 20.00 год. буде забава.

В недїлю од 15.00 год. буде проходити културний проґрам, в котрім запрезентує ся велё ансамблів і ґруп. Окрем „Rusín Čendeš Orchestra“, на сценї од 20.00 год. будуть грати добрї знамы Кандрачовці.

Позываме вшыткых на тот традічный фестівал і желаме приємный зажыток з нёго. Веце інформацій на летаку зверьху.