Новы высокошкольскы учебникы 

В тых днях Пряшівска універзіта в Пряшові выдала 7 новых высокошкольскых учебників про штудентів бакаларьского і маґістерьского штудійного проґраму русиньскый язык і література, якы але будуть мочі послужыти і шыршому кругу вжывателїв русиньского языка, лінґвістам, ученым в іншых сферах русиністікы ці славістікы і каждому, кого інтересує русиньскый язык, ёго історія, діалектолоґія, література (теорія і літературна крітіка), култура і історія каратьскых Русинів. Їх авторами суть учітелї Інштітуту русиньского языка і културы ПУ: ПгДр. Кветослава Копорова, ПгД. – Фонетіка, фонолоґія і акцентолоґія русиньского языка (РЯ), доц. ПгДр. Василь Ябур, к. н. – Морфолоґія і сінтаксіс РЯ, доц. ПгДр. Анна Плїшкова, ПгД. – Лексіколоґія і словотворїня РЯ, проф. ПгДр. Юлія Крішшакова-Дудашова – Vývin rusínskeho jazyka a dialektológia, др. н., доц. ПгДр. Андрій Антоняй, к. н. – Вступ до теорії літературы і літературной крітікы, Мґр. Валерій Падяк, к. н. – Історія карпаторусиньской літературы і културы, і ПгДр. Станїслав Конєчный, к. н. – Náčrt dejín karpatských Rusínov. Учебникы были написаны і выданы в рамках проєкту „Zlepšenie jazykových kompetencií študentov Prešovskej univerzity v Prešove v jazykoch národnostných menšín“ ITMS 26110230105. Проєкт быв підпореный Европскым соціалным фондом посередництвом Операчного проґраму „Освіта/Vzdelávanie‟.