Дeнь Русинів у Пряшові...

... oдбыв ся 9. януара 2015 од 15.00 год. на великій сценї Театры Александра Духновіча в Пряшові, котрый приправила Русиньска оброда на Словеньску – Містна орґанізація у Пряшові.

По гімнї Русинів проґрам того дня одкрыла конферанцєрка  Мґр. Сілвія Зелінкова, котра передала слово председови МО РОС у Пряшові Мґр. Петрови Медвідёви,якый выступив із вступным словом Русины минулости і сучасности, по чім слїдовало співацьке поздоровлїня лавреаткы цїлословеньского конкурзу Співы мого роду. Потім ся указали новы тварї русиньской сцены, фолклорный колектів Скалка Юніор із Шамброна. По них добру атмосферу збогатило выступлїня лавреатів Співів мого роду – співацьке дуо Івана і Мартін Караш із Камюнкы, по котрых на сцену вышла „EMOTION GROUP“ зо співаком Іґором Куцером із проґрамом З родным краём в сердцю. Наконець было святочне пожеланя до нового року 2015.

Од 17.00 год. была  членьска громада МО РОС у Пряшові а выдарене пообідя ся скінчілосполоченьскым новорічным погощінём на малій сценї Театру А. Духновіча.