Стрїча ведучіх Руской бурсы з европсков партіов/орґанізаціов „European Free Alliance (EFA)“
9. юла 2015 року ведучій русиньского „Стоваришыня Руска Бурса“ Др. Павел Малецькый (нафотцї другый злїва) із проф. Оленов Дуць-Файфер (на фотцї), стрїтили ся з властями европской партії і фундації ЕФА, яка за головну цїль має репрезентованя меншын в Европскій унії.
На стрїчу запрошены были тыж Кашубы і Шлезакы. „European Free Alliance“ (ЕФА) то орґанізація, яка споює 40 політычных партій, звязаных із народностныма або етнічныма ґрупами, намагаючіх ся о захованя народной ідентічности і боюють за свої права. Окрем того, ЕФА то фундація, в якій суть меншыновы орґанізації (сполоченьскы і културны), котрых інтересы в евопскім парламентї репрезентує ЕФА. Рух Автономії Шлеска (RAŚ) уж 10 років є членом той орґанізації. Запрошіня до ЕФА дістали тыж Кашубы (на фотцї першый справа їх представитель Ерік Поморчі) і Русины. Передставителї ЕФА в особах Oлрік Боума (заступця ведучого) і Ґеорґіос Пападакіс (член) представили дїяльство ЕФА і процедуры звязаны з ёго функціонованём. „Руска Бурса“ передала гостям з ЕФА тыж свої лемківскы выданя з 2014 року до бібліотекы ЕФА.
Стрїча проходила з нагоды конференції “Silesia in Europe, Europe in Silesia” в Рыбнику на Шлеску.