Новы іншпірації до будучности (1)

(АНКЕТА)

 

Перешов даякый час од скінчіня Studium Carpato-Ruthenorum 2014 пятого річника Міджінародной лїтнёй школы русиньского языка і културы на Пряшівскій універзітї в Пряшові. Акції, яку міджінародный штаб орґанізаторів під покровительством Інштітуту русиньского языка і културы ПУ інтензівно приправлёвав скоро цїлый рік, жебы єй три тыжднї – од 15. юна  до 5. юла 2014  были на якнайлїпшій уровни і жебы єй домашнї і загранічны участници одходили з Пряшова спокійны а, самособов, по часї ся ту назад вертали.  Орґанізаторам од самого початку реалізації проєкту, т. є. од року 2010, залежить на тім, жебы каждорічно просондовали погляды участників лїтнёй школы на єй проґрам, то значіть на процес навчаня і супроводны акції. З тым цїлём приправили анкету зложену з 14-ох вопросів, одповідї на якы можуть ся стати про них новов іншпіраціов до будучности при будованю проґраму далшых річників. Віриме, же ся стануть іншпіраціов ай про іщі бівшу кількость домашнїх потенціалных адептів того проєкту – а по двох минулых, і тот річник якраз їх наростом быв шпеціфічный – цїлём якого є учіти ся і пропаґовати літературный русиньскый язык, русиньску історію, літературу, етноґрафію, спознавати артефакты русиньской културы... З тым заміром сьме вырїшили – зо згодов авторів – поступно публіковати їх одповідї на поставлены вопросы і зарівно ближе представити участників пятого річника лїтнёй школы, якы того року были зо Словакії, Україны і США.

 

Вопросы: 1. Мено, призвіско, тітул. 2. Рік і місто народжіня. 3. Народность. 4. Професія / Освіта. 5. Походжіня: мате русиньске корїня? (Кідь нїт, то яке?) 6. Знали сьте передтым дашто о Русинах? 7. Чом сьте ся приголосили на Studium Carpato-Ruthenorum? 8. Є про Вас русиньскый язык тяжкый? 9. Як оцїнюєте цїлкову уровень четвертого річника Studium Carpato-Ruthenorum? (плусы, мінусы). 10. Пасовала Вам така форма навчаня? 11. Што, подля Вас, бы ся могло змінити при орґанізованю далшых річників? (Вашы пропозіції). 12. О котры дісціпліны з карпаторусиністікы бы сьте в будучности мали інтерес? 13. Як сьте были спокійны із супроводныма акціями проєкту? (Вашы далшы пропозіції). 14. Взяли бы сьте участь на такім проєктї і в будучности?

1. Катарина Петрусова

2. Лученец, 1991

3. словеньска

4. штудентка

5. словеньске і мадярьске корїня

6. штудую русиньскый язык на ПУ, зато єм “дашто” знала

7. Приголосила єм ся на лїтню школу, абы єм ся здоконалила в русиньскім языку а абы єм ся осмілила і бісїдовати.

8. Русиньскый язык як словяньскый язык не є тяжкый, але має своє шпеціфічности, котры ся мі тяжше памятають.

9. Думам сі, же тот рІчник ся мі барз любив, любили ся мі навщівы різных міст, де ся нїґда інакше не дістану, спознала єм інтересных людей, з котрыма наісто буду в контактї і по скінчіню школы і каждому можу тоту скушеность у радостёв рекомендовати.

10.  Менї тота форма пасовала, але злїпшыла бы єм навчаня русиньского языка про зачаточників (Америчанів)

11. Лїпша література про загранічніх штудентів (букварь), навщіва інакшых міст історічного значіня про Русинів

12. Бесспорно, хотїла бы єм ся занимати літературов, языком і етноґрафіов

13. Барз ся мі любить в Курові, люде там  суть приємны і автентічность курівского фолклору є дашто, што треба відїти

14. ГЕЙ J!!!!

1. Ярослава Костюк

2. 1995, Ужгород, Україна

3. словацька

4. 2. річник Факулты манажменту ПУ

5. мам

6. гей

7. жебы єм ся дізлана веце о історії своїх предків

8. нї, лем ґраматіка

9. вшытко файно

10. гей, барз

11. абы было веце годин етноґрафії

12. о етноґрафію

13. гей, спокійна єм

14. ясно

 

 

1. Яна Семен

2. 1994, Ужгород, Україна

3. україньска

4. штудентка ПУ

5. гей, дїдо є Русин родом із села Осадне

6. гей, але мало

7. хотїла-м ся веце дізнати о Русинах

8. лем ґраматіка

9. менї ся любило, навчіла єм ся много нового

10. гей

11. веце годин етноґрафії

12. найвеце ня інтересовала історія і етноґрафія

13. были інтересны ай веселы

14. гей, з радостёв

 

1. Моніка Сирікова, Мґр.

2. 1978, Гуменне

3. русиньска

4. учітелька, 1. ступінь ОШ

5. мам

6. гей

7. жебы єм ся дізнала веце інформацій з історії Русинів і з русиньского языка, спознала новых людей...

8. не є

9. з уровнёв єм спокійна

10. гей

11. -

12. -

13. акції были добрї напланованы

14. гей

1. Марія Ясикова, ПаедДр.

2. 1976, Стара Любовня

3. русиньска

4. учітелька і директорка ОШ

5. мам

6. гей

7. хотїла-м ся дізнати дашто нового о Русинах, русиньскім языку, історії і етноґрафії

8. нї

9. на высокій уровни

10. гей

11. менї пасовало так, як то было

12. ґраматіка

13. была єм із вшыткым спокійна

14. гей

 

-ап-

Go back