Над ріков Попрад – новый міст

Праві добудовали міст через ріку Попрад, котрый споїть два русиньскы села – Жеґєстів на лемківскім берегу і Сулин на пряшівскім. Міст мать 130 метрів довжыны і 3 – 5 метрів шырыны. Є выставленый з бетону, в рамовій тритравейній конштрукції. Цїла інвестиція буде стояти 4 міліоны злотых (1 міліон евр), а кошты будуть подїлены – 60% сфінасує польска сторона, а 40% – словацька. Через міст буде доволеный лем пішый і біціґлёвый рух. Самосправны власти надіють ся, же міст поможе звекшіню турістічного руху в надпопрадьскых селах. Праві головнов атракціов надпопрадьскых сел суть щавнічны жрідла мінеральной воды. При самім мостї мож ся напити славной „сулинкы”.

Боґдан ҐАМБАЛЬ