Нове чісло «Бесіды» уж доступне!

Перша сторінка обалкы двоймісячника „Бесіда“, ч. 4 (145), юл – авґуст 2015, фото: П. Басалыґа.

 

 

Часопис „Бесіда“ то двоймісячник, пресовый орґан „Головного Заряду Стоваришыня Лемків“, котрый выходить од 1989 року. Посвяченый є захованю історії, културы і языка Лемків, інформуючій о жывотї нашой і братнёй нам сполочности, розвиваючій вірны надії прадїдїв і вітцїв.

 

Доступне є уж нове чісло двоймісячника Бесіда“, выдаваного Стоваришінём Лемків. В найновшім выданю можете прочітати інформачны, історічны, науковы, публіцістычны і іншы статї. Є ту тыж місце на русиньску літературу і гумор.

 

Є то поконґресове шісло, котре передавать обшырну статю з ХІІІ. Світового конґресу Русинів і VІІІ. Світового форуму русиньской молодежи, проходячіх в днях 19. – 21. юна 2015 в румуньскім містї Дева. А окрем того в чіслї мож прочітати о:

  • 4. народенинах радія лем.фм,
  • 90-річу „Русского дому“ в Пряшові,
  • знищіню нагробного памятника Ваня Гунянкы у Львові,
  • 70. річніцї анексії Підкарпатьской Руси завдяки Сталінови,
  • прогульцї штудентів лемківской філолоґіі по Лемковинї.

 

Окремов частёв послїднёй „Бесіды“ суть, переведены до лемківского языка, конкурсовы творы Олї Пелехач (І. місце), Юліана Фурмана (ІІІ. місце) і Маґдалины Кузмич, котры были нагороджены в катеґорії старшых класів основных школ на конкурсї Культура націоналных меншын малёвана словами.

 

Приємне чітаня!

 

Демко ТРОХАНОВСКЫЙ, Криніця

 

Go back