Гаврош означать русиньскый проґрам за сепаратістічный
13-го авґуста 2015 р. на інтернетовім сайтї Радія Свобода ёго україньска редакція в рамках рубрікы „Точка зору“ опубліковала далшу статю Олександра Гавроша, котрый уж нераз у своїх коментарях выступав проти Русинам.
В ёго найновшій статї під назвов „Хто руйнує мир на Закарпатті“ занимать ся Гаврош особов Віктора Балоґы і ёго політічов партіов „Єдиний центр“. Автор атакує силного закарпатьского політіка, котрый головно по остатнїх змінах в ряджіню Закарпатьской области, котры настолив Києв, в рамках якых презідент Україны Петро Порошенко выменовав за голову Закарпатьской областной державной адміністрації Генадія Москаля (вызначного опонента Балоґы), зачав білбордами робити кампань проти києвскым властям. В кампанї ся у нёго крітікують такы речіня, як же централна влада выступила проти Закарпатю, ці же влада руйнує мір на Закарпатю.
Гаврош выраховлює вшыткы перепоїня Балоґы і ёго родины на містну і централну політку і означує то за клан Балоґы. Інтереснїше є, же автор знова не забыв до той справы залучіти і Русинів.
Як пише, хоць Балоґа одмогать ся од сепаратізму, ёго „команда“ свого часу протисла, цітую, „абсурдне“ рїшіня областной рады о узнаню Русинів за окремый народ, што подля Гавроша не має жадной юрідічной силы. Тоты самы люди, як Гаврош пише, дотягли до областной телевізії (телеканал Тиса, позн. редакції) „сепаратістічный проґрам“ Русиньска родина, яка подля слов Гавроша, рекламує лідрів „політічного русинства, котры пошырюють українофобію на Закарпатї“.
Радіо Свобода стабілно припущать на свій сайт статї Олександра Гавроша і далшых авторів, котры пишуть неправды о Русинах, котры Русинів означують за сепаратістів, выдуманый „політічный“ народ і пошырюють русинофобію. На тото была вже звернута і увага Америцького конґресу, котрый радіо фінанцує, но дотеперь без ефекту.
Проґрам, о котрім пише Олександер Гаврош, під назов Русиньска родина, є традічный народностный маґазин, котрый давать простор русиньскым културным подіям, русиньскым културным і сполоченьскым діятелям, писателям, русиньскій історії ітд. Проґрам ниґда не служыв на пошырёваня українофовії, а інтересує ся жывотом Русині
Петро МЕДВІДЬ