Рутенія пропаґовала Русинів

Културне лїто з меншынами – така была назва 6-денной културной події, котра зачала 4. авґуста в центрї Братїславы. Такой першый день мали соло Русины.

Културне діятельство, орґанізації, інштітуції і медія Русинів на Словеньску презентовав Інж. Петро Штефаняк, ПгД., председа орґанізації молоды.Русины і шеф фоклорного колектіву Рутенія. Рутенія з успіхом выступила із своїм богатым репертоаром – співами і темпераметныма танцями з різных русиньскых реґіонів (Шарішского Ястрабя, Камюнкы, Шеметковець, Тихого Потока, Штефурова, Шумяца).

До 9. авґуста 2015 в Братїславі ся представили і представителї мадярьской, нїмецькой, ромской і жыдївской народностых меншын.

-ак-