Занедовго буде IV. Міджінародный конґрес русиньского языка

З нагоды 20. річнiцї святочного выголошiня кодiфікацiї русиньского языка на Словакії 23. – 26. септембра 2015 р. у просторах Пряшівской універзітыв Пряшові буде проходити IV. Міджінародный конґрес русиньского языка. То научна конференція, в якій возмуть участь вызначны славісты, лінґвісты, історіци, журналісты і практічны поужывателї русиньского літературного языка. Конґрес отворить доц. Анна Плїшкова, директорка Інштітуту русиньского языка і културы ПУ і проф. Петер Коня, ректор Пряшівской універзіты, а темы запланованых рефератів будуть охоплёвати велё проблемів сучасного русиньского языка і будуть задїлены до штирёх тематічных секцій.

Read more …

Театер Александра Духновіча зачінать юбілейну 70-ту сезону

Єдиный на світї професіоналный русиньскый театер – Театер Александра Духновіча в Пряшові, в септембрї, по театралных вакаціях, вступить до своёй юбілейной 70-той сезоны. Театер выникнув 24-го новембра 1945 року і свою першу премєру одограв в марцї 1946 року і была то пєса Ой, не ходи Грицю.

Read more …

У Баньскій Бістріцї – одкрыли памятный камінь Русинам

29-го авґуста 2015 на ославах 71-ой річніцї Словацького народного повстаня в Баньскій Бістріцї першый раз офіціално брали участь і представителї Русинів на Словакії. Вінець ку памятнику СНП положыли Мілан Мнягончак, председа Русиньской оброды на Словеньску, Мілан Піліп, секретарь Округлого стола Русинів Словеньска і Ян Крайковіч, русиньскый актівіста. 

Read more …

Словацькый посланець хоче День героїв Дуклї. Говорить о „Русинах-Українцях“

Як 1. септембра 2015 інформовала Пресова аґентура Словацькой републікы (TASR), посланець Народной рады Словацькой републікы Віліям Ясань, за владну соціалнодемократічну партію „Smer-SD‟, предложыв пропозіцію на новелу закона о державных святах і днях робочого покоя з тым, же хоче встановити 6. окробер як памятный день під назвов День героїв Карпато-дукляньской операції.

Read more …

Літературный конкурз Марії Мальцовской

Oд 10. септембра до 20. новембра 2015 Сполок русиньскых писателїв Словеньска у сполупраці з редакціов Русин і Народны новинкы і Інштітутом русиньского языка і културы Пряшівской універзіты в Пряшові выписує 2. річник Літературного конкурзу Марії Мальцовской на найлїпшы творы в области поезії, прозы, есеїв і драмы в літературнім русиньскім языку. 

Read more …

Русины. Кідь нам пасує…

Подля словацькой леґіслатівы є табліця з означінём сел або міст языком народностной меншыны, де є потрібна кількость жытелів народностной меншыны, на зачатку і їх кінцю обовязком, не добровольнов справов, і недотриманя той леґіслатівной нормы є докінця подля закона санкціоновано. Но і в тім припадї платить, же папірь знесе велё і мы собі зробиме по свому. Мы, старостове.

Read more …