На Закарпатю фестівал проґрамів про народностны меншыны

За інформаціями порталу Голос Карпат, в днях 9-го і 10-го септембра 2015 р. проходив уж 17-ый річник міджінародного фестівалу телевізных і радіовых проґрамів твореных про народностны меншыны під назвов Мій рідный край.

Орґанізаторами того фестівалу бЫли Державный комітет телевізії і розгласу Україны, Закарпатьска областна державна телерадіокомпанія Тиса і Закарпатьска областна державна адміністрація. На фестівалї взяли участь домашнї, но загранічны телевізії і радія. На 17-ый річник были зо своїма проґрамами про народностны меншыны приголошены участнтници із Україны, Румунії, Словакії, Мадярьска, Німецька, Сербії, Швеції. До конкурзу тот рік было записаных 70 телевізных проґрамів і 42 радіовых проґрамів.

Влони премію за режію і звук здобыв проґрам Розгласу і телевізії Словеньска – Радія Патрія – Народностно-етнічного высыланя Словеньского розгласу в Кошіцях під назвов „Подобы жывота“. Оцїене было выданя проґраму, в котрім выступав Боґдан Ґамбаль, втогды іщі председа„Стоваришыня Руска Бурса‟ і редактор „lem.fm‟, якый бісїдовав нелем о собі, но і о жывотї Русинів на Лемковинї. Ту сьме о тім писали на нашім порталї.