Про Карпаторусинів на Славяньскім фестівалї в Джонставнї

В Джонставнї (Johnestown, Pensylvania) в CША 19. септембра 2015 буде проходити перша едіція Johnstown Slavic Festival, фестівалу, якый мать зосередити потомків вшыткых слявяньскых народів, якы почас еміґрації на переломі ХІХ. і ХХ. сторіча нашли ся в Джонставнї.

 

В 1925 роцї 25% жытелїв міста то были Сляване. Джонставн находить ся в штатї Пенсілванiя, в  якій у тамтім часї вшыткы еміґранты нанимали ся до роботы в маєтках, пак по оселїню ся і освоїню з новов державовзаснововали свої церькви і костелы, сполоченьскы клубы, інштітуції, орґанізовали ся в обществах ітд. Цілёмфестівалу є уможливлїня жытелям міста і потомкам еміґрантів указати културу, з якой ся выводять, етнічну дїдовизну предків і їх історію. Планованы суть едукачны акції, выставкы, воркшопы, презентація слявяньскых ремесел, музикы, танцїв, їдла і іншых. Офіціалный сайт фестівалу найдете клікнутём гев.

 

Єдным із прелеґентів першого річникаJohnstown Slavic Festival буде Річард Кастер – основатель Carpato-Rusyn Sоciety, публиціст The New Rusyn Times, журналіст, котрый занимать ся м.ін. історіовґрекокатолицькых і православных церьквей основаных русиньскыма еміґрантами в США, ґенеалоґіов Русинів ці історіов еміґрації Русинів до США.

 

Почас фестівалу в Джонставнї буде ся бісїдовати о початках русиньской еміґрації в Джонставнї, місцю походжіня еміґрантів і то, як выглядав розвиток їх културного і реліґійного жывота уж в США. Вецеподробностей найдете ту.

 

 

Наталія МАЛЕЦЬКА-НОВАК, фотка: rusynsofpa.blogspot.com

Go back