Новинкы • 39/2015 - Aкадемія

Aкадемія
Новинкы • 39/2015

За два днї зачне IV. Міджінародный конґрес русиньского языка на Пряшівскій універзітї

З нагоды 20. річнiцї святочного выголошiня кодiфікацiї русиньского языка на Словакії 23. – 26. септембра 2015 р. у просторах Пряшівской універзітыв Пряшові буде проходити IV. Міджінародный конґрес русиньского языка. То научна конференція, в якій возмуть участь вызначны славісты, лінґвісты, історіци, журналісты і практічны поужывателї русиньского літературного языка. Конґрес отворить доц. Анна Плїшкова, директорка Інштітуту русиньского языка і културы ПУ і проф. Петер Коня, ректор Пряшівской універзіты, а темы запланованых рефератів будуть охоплёвати велё проблемів сучасного русиньского языка і будуть задїлены до штирёх тематічных секцій.

Літературный конкурз Марії Мальцовской

Oд 10. септембра до 20. новембра 2015 Сполок русиньскых писателїв Словеньска у сполупраці з редакціов Русин і Народны новинкы і Інштітутом русиньского языка і културы Пряшівской універзіты в Пряшові выписує 2. річник Літературного конкурзу Марії Мальцовской на найлїпшы творы в области поезії, прозы, есеїв і драмы в літературнім русиньскім языку.

160 років од народжіня Антонія Бескида – ґубернатора Підкарпатьской Руси

16. септембра 25015 минуло точно 160 років од народжіня русиньского адвоката і політічного діятеля Антонія Бескида, котрый діяв на Пряшівскій і Підкарпатьскій Руси.

Концерт А. Сервіцькой і єй гостїв „30 рочків гояя‟

Обчаньске здружіня Колисочка позывать вас на концерт знамой популарной співачкы Анны Сервіцькой з єй гостями під назвов „30 рочкы гояя‟, котрый буде 11. октобра 2015 од 17.00 год. в кіносалї Скала у Пряшові.

Выступаючі на фестівалї «Молода Лемковина»

Орґанізаторы фестівалу «Молода Лемковина» з радостю предкладать список участників першой едіції той події. Фестівал буде проходити 21. новембра 2015в Ґорлицкым центрї културы (ul. Michalusa 4, Gorlice).

«Деревяны церькви Карпат» у США

Карпаторусиньске общество зорґанізовало презентацію-реферат, котру выголосив проф. Ф. Вільям Лучак на тему «Деревяны церькви Карпат». Подія ся одбыла 19. септембра 2015 р. у містї Ешвіл, штат Северна Кароліна (Lord Auditorium, Park Memorial Library, 67 Haywood Street, Downtown Asheville, NC). По выступлїню реферуючого слово мав председа Карпаторусиньского общества Джім Кепчар-Каміньскый, котрый привітав зобраных і представив діяльство орґанізації, котру веде.

За нами ІV. Карпатьскый філмовый фестівал

Од 4. септембра 2015 проходив у Тысній ІV. Карпатьскый філмовый фестівал, о котрім інформували сьме вас.

Ярослав Трохановскый нагородженый Золотым хрестом заслугы!

З радостю інформуєме, же за діятельствоу захранї і розвитку лемківской ідентітыпрезідент Польской републікы Анджей Дуда нагородив Ярослава Трохановского, основателя і довгорічного діріґента лемківского ансамблю піснї і танця «Лемковина», Золотым хрестом заслугы.

На Словакії до Днів европской културной дїдовизны залучены і деревяны церькви

Од 11-го септембра аж до 20-го септембра 2015 р. проходили Днї европской културной дїдовизны – European Heritage Days. До тых днїв залучать ся і Словакія од 1993 року. Подію орґанізує Рада Европы і Европска комісія і проходить у 49-ёх державах.