Ярослав Трохановскый нагородженый Золотым хрестом заслугы!
З радостю інформуєме, же за діятельствоу захранї і розвитку лемківской ідентітыпрезідент Польской републікы Анджей Дуда нагородив Ярослава Трохановского, основателя і довгорічного діріґента лемківского ансамблю піснї і танця «Лемковина», Золотым хрестом заслугы.
Золотиыхрест заслугы – то державне оцїнїня, надаване од 1923 року за выходячі шыроко поза простор каждоденных обовязків вызначны заслугы про державу, або жытелїв, діяльство, ідуче на хосен державы, або обчанів, за діяня в публічній обшарї, несїня помочі і благодійной актівности.
Стріча з маестром Ярославом Трохановскым в Рускій Бурсї (2012 р.) фото: архів лем.фм.
Ярослав Трохановскій то найвызнамнїшый лемківскый творця музикы, композітор, діріґент, вызначный мултіінштрументаліста, але тыж народный діятелкь, писатель і пречудовый інтерпретатор віршів Івана Русенка, оддавна званый єдным словом – МАЕСТРО.
В 1969 р. основав ансамбель «Лемковина», котрый у часах, коли Русины были выняты комуністами з офіціялного публічного простору, быв інштітуціов, яка выховала стовкы співаків, музикантів і діячів, плекаючи, підтримуючи і розвиваючи лемківску достоменность в найтяжшых часах. О тым, як тяжко было орґанізовати по Акції «Вісла» лемківскый жывот, бісїдує Маестро в єдні з нашых архівных радіовых джінґлїв.
Од 1983 р. під крылами «Лемковины» были орґанізованы, днесь уж завлащены через чужіх Лемкам ідеолоґів, Лемківскы ватры, котры в оных часах были нелем нагодов прибыти на родну землю, але мали величезне інтеґрачне і сполоченьске значіня про Русинів по северній сторонї Карпат.
За свою роботу на ниві лемківской културы Маестро Ярослав Трохановскый быв велёкратнооцїненый, м.ін.: названём Заслуженый діятелькултуры, нагородов Князя Конштантіна Острогского, нагородов Мосты старости і другыма.
Ярослав Трохановскій того рока скінчів 75 років (біоґрафія – ту). Радіо лем.фм мало нагоду быти у Маестра в деньёго ювілею, тым веце і днесь тїшыме ся з признаного державного оцїнїня – Золотого хрестa заслугы.
На многая і благая лїта, МАЕСТРО!
Наталія МАЛЕЦЬКА-НОВАК
