Выступаючі на фестівалї «Молода Лемковина»
Орґанізаторы фестівалу «Молода Лемковина» з радостю предкладать список участників першой едіції той події. Фестівал буде проходити21. новембра 2015в Ґорлицкым центрїкултуры (ul. Michalusa 4, Gorlice).
На фестівал ся кваліфіковали:
- ансамбель «7кропка»
- ансамбель «Чудакы»
- ансамбель «Грдза»
- ансамбель «Сестры Бочнєвіч»
- Юлія Ющак
- ансамбель «Весна»
- Владислав Сивый
Позерайте долов інформації о выступаючіх, а занеодовго поінформуєме вас тыж і о другых атракціях і выступах, якы будуть проходити в рамках фестівалу.
«7кропка»
«7кропка» то лемківскый ансамбель з Нижнёго Слеска (чужына). Ансамбель быв основаный в октобрї 2011 року. Музиканты «7кропкы» суть тыж членами іншых музичных ініціятів і проєктів, зато з легкостю навязують контакт з публіков і граютьо людях і про люди. Про Лемків і нелем них. «7кропка» концертує головнї на фолклорных і фолковых фестівалах. Окрем народной, традічной музикы, «7кропка» творить авторьскы аранжації і глядать вшелеякы іншпірації на Лемковинї, але тыж у сусіднїй Словакії ці Українї. Хоснує знамы Лемкам інштрументы, як гуслї, басы, акордеон ці сопілкы.
«Чудакы»
Ансамбель «Чудакы» то нова ініціятіва молодых Лемків з околіцї Рудной, Любіна, Пшемкова і Ліґніцї. Концепція ансамблю то схоснованя традічного лемківского інштрументарія про сотворїня выняткового, а при тым самобытного, звуку і атмосферы. Амбіціов ансамблю є указаня нового розміру музикы і можливости інштрументів, котры ся фурт хоснуюрть при фолку.
Ансамбель «Чудакы» споює в собі різны жанры і музичны напрямы, з думков – жебы музична душа Лемковины все была наверху. Зложіня ансамблю:
Йоанна Пеляк – спів
Аґнєшка Пальчак – гуслї
Дарія «Текля» Кузяк – гуслї, саксофон, спів, аранжманы
Юлія Кузяк – флетна
Андрій Хомяк – акордеон
Дарій Кунцік – перкусійны інштрументы
«Грдза»
Ансамбель «Грдза» быв основаный в 1999 роцї з ініціятівы Славомира Ґібартія і Ярославы Сисаковой в Пряшові на Словакії. «Грдза» перетворює середнёевропскый фолклор до модерной подобы, котру мож назвати як фолк, worldbeat, ethnic fusion, world fusion, або – барз загално – world music. Файны вокалы і ефектны мелодії выкликують захоплїня каждой публікы. «Грдза» планує выдати русиньскый албум з першов своёв співачков Ярославов Сисаковов, з котрого дакотры співанкы можете послухати на фестівалї.
Ярослава Сисакова – спів
Славомир Ґібарті – спів, акустічна і електрофонічна ґітара
Михал Брандіс – гуслї, вокал
Павол Болеш – басова ґітара, вокал
Матєй Плаідраб – акордеон
Михал Лорінц – бубны, перкусія
«Сестры Бочнєвічовы»
Ансамбель «Сестры Бочнєвіч» быв основаный у 2009 роцї в Пшемкові. Спочатку выступав як тріо (двоє гуслї сестер Рамоны і Наталії вєдно з няньком Адамом на ґітарї). По двох роках діяльства Рамона і Наталія попросили до сполупрацы колеґынї з Академії уменя в Щетінї. Од того моменту до ансамблю ся запоїло смыкове квартето, котреспоює елементы лемківской музикы з класіков. У 2012 р. ансамбель награв свою першу платню Струнами серця, а в 2013 роцї кваліфіковав ся до престіжного конкурзу Нова традіція у Варшаві. «Сестры Бочнєвіч» то не єдиный їх проєкт, бо сестры актывно беруть участь в музичнім жывотї лемківской сцены оддавна (грали в Ластівочцї, Кычерї, Окмелю). Днесь грають тыж в Lemko Tower і коморніморхестрїConcertino зо Щетіна.
Юлія Ющак
Юлія Ющак має 22 рокы і є штудентков економіїу Вроцлаві. З музиков Юлія „ся камаратить‟ цїлый жывот. В дїтинстві ходила до музичной школы (класа фортепіяно), але все веце любила ґітару і зато доднесь праві ґітарупоужывать при різных стрічах зо співом. То лемківскы піснї як першы звучали в єй репертоарі. Любить грати зо слуху, з душы, а росписаны акорды не все сут про нюпюотребны. На фестівалї почуєме дві піснї в авторстві Юлії – соло, і іншы творы, передаваны вєдно зо Семаном Дудом. Будуть то композіції написаны Семаном і ёго няньком. В своїй творчости Юлуія іншпірує ся такыма умелцями, як Святослав Вакарчук, Наталія Пшыбыш, Куба Бадах, але, як бісїдує: …як правдивій Лемкынї моє серце ся найвеце радує тогды, коли почує «Під облачком» ці «Ой верше мій верше»…
«Весна»
«Весна» то женьскый лемківско-польскый дует із Вроцлаву, якый уж оддавна передає лемківску авторску творчость. Ансамбель творять Аґнєшка Коробчак-Домінґез і Дорота Лаґудка. Співають з акомпаніяментом ґітар сучасну лемківску поезію авторства Петра Мурянкы і Владислава Ґрабана. Перша їх платня Посеред зеленых доріг стрітила ся з великым заінтересуванём і популярностёв. В голосї і аранжманах Аґнєшкы знавцї музикы находять елементы фадо, ці блус. В музицї тій не стратила ся лемківска душа, котра в новій, модерній формі барз ся любить.
Владислав Сивый
Подля професії є електротехнічным інжінїром і конштруктером. Народив ся 25.10.1960 в русиньскым містеку Міджілабірцї, а дїтинство і молодость пережыв «під Бескідом» в недалекых Стерківцях. Музыка є в ёго жывотї од дїтинства. Грати на різных інштрументах учів ся сам при нянёви і дїдови. В молодости, в штудентьскых часах, заложыв зо своїма ровесниками в селї музичну мултіжанрову формацію «Сіґнум». Молодост Владислава Сивого зєднує ся з аматерьскым театром «Думка» в Кошіцях – може дахто го памятать як декламатора поезії русиньскых класіків – Павловіча, Духновіча і іншы в Театрї поезії в Пряшові? Позітівне наставлїня до театру, радія, поезії і музикы остало в нїм і в дорослім віцї. Ку авторьскому творіню музикы і поезії Владислав Сивый доходить аж як зрілый пятьдесятник, як чоловік, котрый уж штось в жывотї відїв і перескакав. Музичный прояв одрізнять ся од іншой сучасной русиньской музикы абсенціов фолклору, єт повный носталґії, часто баладічный, музичны темы і рітмы в многім припоминають золоту еру року, попу, совлу даґде з 70. ці 80. років, лем звукова обробка є сучасна, з днешнїм звуком інштрументів… Старому псови ся новы звычаї учіти не хоче… 55-ріный хлоп реповати, або гіп-гоп грати не може… Сила умелецько прояву Владислава Сивого ся находить в ёго поезії, в текстах ёго співанок, котры суть рефлексіов нашой добы, нецензурованым поглядом на днешнїй світ, наріканём над вмераючім рідным краём, споминанём на стары часы, властну молодость, різны скламаня в жывотї, пережыты любви… На жывых выступлїнях, концертах, днесь нерозлучным сполуграчом є ёго сын Томаш Сивый. Дотеперь автор выдав лем єдно ЦД назване «Смутный клавн, віршы і ґітары» – в 2014 роцї. Але співанок, презентованых на концертах, є веце. Планує выдати дальшый діск під назвов «Із жывота справы»…