Торжественне засїданя Сполочной комісії Уряду ПР і народностных і етнічных меншын
22. септембра 2015 р. в салї Тадеуша Мазовєцького, котра находить ся в Канцеларіїпрезеса Рады міністрів Польской републікы, проходило святочне засїданя Сполочной комісії Уряду влады ПР інародностных меншын на память події сперед 10 років, коли, як наслїдтсво записів Уставы о народностных і етнічных меншынах іо реґіоналнім языку, перший раз засїдала спомянутакомісія (21. септембра 2005 р.).
Подію отворив началник Департаменту народностных і етнічных меншын МАіЦ – Добєслав Жемєнєвскый, а началным єй пунктом было вручіня міністром Станїславом Гусковскым державных оцїнїнь. Першыма выкликаныма до врычіня нагороды были Романа Оброцка і Ярослав Трохановскый, котрых міністер оцїнив Золотым хрестом заслугы. Міністер Гусковскый выкликав іщіРомана Хойнацького і Елжбєту Томчык, котрым передав Стріберны хресты заслугы, а Бронзовы хресты заслугы – Янови Адамовічови і Юзефови Адамови Дубиньскому. Вшыткы оцїнїня были признаны презідентом Польской републікы Анджеём Дудом за охрану і розвиток културной дїдовизны народностных і етнічных меншын.
Окрем того, вшыткы бывшы і теперїшнї члены Сполочной комісії Уряду Польской републікы інародностныхменшын перебрали признаны міністром Анджеём Галіцькым честны ґрамоты за вклад в діяльство Комісії, міджі котрых нашли ся Др габ. Олена Дуць-Файфер (репрезентуюча лемківску етнічну меншыну в 2005 – 2014) ісучасны члены – Др. Мирослава Копыстяньска і проф. Штефан Дудра (непритомный в тот день).
Торжественна стрїча мала одбыти ся з участю премєра ПР – Евы Копач, міністра адміністрації і штатістікы Анджея Галицького (міністра одповідаючого за справы народностных і етнічных меншын) і іншых міністрів, але продовжаюче ся міморядене засїданя уряду в справі проблему іміґрантів з Африкы і Близкого Сходу не доволило прибыти їм на споминану торжественну стрїчу.
По короткій перерві юбілейне засїданя Сполочной комії Уряду ПР і народностных і етнічных меншын зачало ся од выступу віцеміністра С. Гусковского, пак началника Д. Жемєнєвского а наконець слово мав Рафал Бартек – сполочный ведучій Сполочной комісії Уряду ПР інародностностных і етнічных меншын.
Долу найдете пару фотоґрафій з торжественного засїданя Сполочной комісії Уряду ПР інародностных і етнічных мешын, а повна ґалерія находить ся ту.