Підкарпатьска Русь 70 років потім – переданя Підкарпатьской Руси Совєтьскому союзу
Під патронатом міністра културы Ческой републікы – Данієла Германа і підпредседыСейму Парламенту Чеськой републікы – Яна Бартошка, буде орґанізуваный семінар п.н. Підкарпатьска Русь 70 років потім – одданя Підкарпатьской Руси Совєтьскому союзу. Додаток до історії чешского парламентарізму.
Семінар ся зачне 5. новембра2015 од 10.00 год. у парламентї Чешской республікы в Празї, ул. Снємовнї 4. В проґрамі ся рахує з рефератами вызначных бадателїв, історіків, архівістів і русиністів. Міджі різныма темами являть ся м.ін. фана і герб Підкарпатьской Руси, Підкарпатьска Русь як часть міджівойновой Чехословакії (1919 – 1938), занятя Підкарпатьской Руси Будапештом і мадярьске адміністрованя (1939– 1944).
В головнім блоку будутьпрочітаны рефераты:
- Прічіны і повязаня, котры ся причінили до переданя Підкарпатьской Руси Совєтьскому союзу в 1945 роцї.
- (Не)діпломатічный бой о Підкарпатьску Русь.
- Тайна радіостаніця ВЛАДИСЛАВ і єй свідоцтва про заник Підкарпатькой Руси.
- Не є смыселно протиставляти ся лупіжникам… Конец діянь чехословацького уряду в Хустї початком 1945 р.
- Рыхтованя до перевзятя урядїв на Підкарпатькій Руси.
- Хронолоґія утрачіня Підкарпатьской Руси в документах чехословацького загранічного руху опору (1944 – 1945).
- Припоїня, фон і подіі припоїня Підкарпатькой Руси до Совєтьского союзу в 1944 р.
Окрем рефератів у головнім блоцї, будуть выступлїня присвячены ґрекокатолицькій церькви, школства, совьєтізації і украінїзації на Підкарпатьскій Руси в сороковых роках ХХ. ст. Валерій Падяк з Пряшівской універзотї повість о траґедії русиньской народностной меншыны, выкликаной рішынём про переданя Підкарпатьской Руси Совєтьскому Союзу, а темов Аґаты Пілатовой буде ратіфікація несправедливость.
На основі выголошеных рефератів буде ведена діскусія, котра мала бы дати одповідь на вопросы – чом Чехословакія оддала Підкарпатьску Русь? Чом так легко підняла тото рїшіня? Ці парламент міг бы одвернути рїшіня і привернути Підкарпатьску Русь назад?