Перша „комплекнїша“ выставка русиньскых малярїв у МУК у Пряшові

СНМ – Музей русиньской културы у Пряшові першый раз приправив „комплекснїшу“ выставку

образів русиньскых авторів, а то з пріватной збіркы Петра Мікулы з Біловежы, окрем выставкы вытварных робот Зузаны Осавчуковой Гапаковой із Пряшова.

Почін то не злый, вдяка му і зато, але по тых роках екзістенції у провізорных просторах музею, де є ту репрезентатівна выставка вытварных робот Русинів Словеньска в МРК, або холем скромнїшый, но уцїленїшый выбір із вытварного діятельства Русинів?! Тоту, так бы повісти „комплекснїшу“ выставку творів зо збіркы П. Мікулы, наісто так не мож назвати, бо о такім вытварникови ці любителёви вытварного уменя міджі Русинами ніч не знати!

Але і так, хоцьлем русиньскый музей ся зачав рушати допереду (до великой міры на основі многых крітік) і отварять єдну выставку за другов, як і орґанізує іншы акції, што можеме лем привітати.

Спомянута выставка Образы русиньскых умелцїв (позн. ред.: зо словом „умелцї“ треба тыж уважливо нарабляти, бо тых, што дашто сотворять з блайвасом, пером ці пензликом, є много, але не вшыткы суть на уровни умелцїв).

Спомянута выставка буде святочно отворена21. новембра 2014 од 16.30 год. у Музею русиньской културы на ул. Масаріковій ч. 20 (1. шток), на котру вас позываме, но она є лем отрошинков того, што за рокы своєй екзістенції (хоць не ружовой) з ґрупов своїх робітників і ектузіастів-помічників уж міг давно зробити наш музей. Также чекаме Вас на выставцї і може з єй позеранём погнеме ся зась о крок дале: до высшой якости.

А. З.