Жывот Русинів в Америцї

Словацькый народный музей – Музей русиньской културы в Пряшові вєдно з Карапаторусиньскым обществом у Споєных штатах Америкы зорґанізовали бісїду, котра проходила 21. октобра 2014 в будові музею на Масаріковій уліцї в Пряшові. Бісїда была на тему Жывот Русинів у Споєных штатах америцькых. На бісїдї окрем нашых были ай америцькы гостї-Русины: Марія Сілвестрі і Джон Ріґетті. Гостї з Америкы навщівників музею інформовали о роботї Капаторусиньского общества в Споєных штатах Америкы, але і о актівностях Карпаторусиньского конзорція Северной Америкы, котре зъєдинять америцькы карпаторусиньскы орґанізації на способ Округлого стола Русинів Словеньска (позн. ред.: там іде о конзорціум русиньскых орґанізацій, а не діскусне форум).

-пем-