Славяньскы языковы і літератрурны (само)рефлексії

Так ся называть сімпозій, котрый на 10. децембра 2014 приправила Катедра славяньскых філолоґій Філозофічно факулты Універзіты Коменьского в Братїславі. На тім сімпозію, окрем іншых, выступлять тыж дві робітнічкы Інштітуту русиньского языка і културы Пряшівской універзіты в Пряшові – ёго директорка доц. ПгДр. Анна Плїшкова, ПгД., і ёго научна таёмнічка ПгДр. Кветослава Копорова, ПгД. Перша выступить із рефератом під назвом Русиньскый язык у освітній сістемі Словеньской републікы і в загранічу, друга з рефератом Выдавательскы актівности Русинів по роцї 1989. Є добре, же і такы темы ся зявляють і чітають, жебы о Русинах на Словеньску і в загранічу, як і о їх актівностях знало чім веце людей, главно научных робітників.

-аз-