Засїданя языковой комісії

Участници засїданя языковой комісії на Інштітутї русиньского языка і културы: (злїва) доц. ПгДр. В. Ябур, к. н., доц. ПгДр. А. Плїшкова, ПгД., ПгДр. К. Копорова, ПгД. (коордінаторка), доц. ПгДр. Ю. Панько, к. н., проф. ПгДр. О. Сіпко, ПгД.

20. новембра 2015 ся в просторах Інштітуту русинького языка і културы РЯК ПУ одбыло перше тогорічне засїданя узшого кругу языковой комісії в зложіню: проф. ПгДр. Йосиф Сіпко, к. н.; доц. ПгДр. Василь Ябур, к.н.; доц. ПгДр. Юрій Панько, к.н.; доц. ПгДр. Анна Плїшкова, ПгД.; ПгДр. Кветослава Копорова, ПгД.; Мґр. Зденка Цітрякова.

 

Засїданя комісії реаґовало на заключіня міджінародного конґресу русиньского языка і першов стрїчов ся зачінать приправа матеріалів на корекцію в правилах правопису, якы будуть  в половинї будучого рока настолены на засїданях шыршого кругу языковой комісії. Шыршый круг языковой комісії творять актівны хоснователї русиньского літературного языка в окремых сферах ёго фунґованя.

 

Были представлены першы пропозіції, як напр.: сколёваня в чуджіх і перевзятых назывниках; род в чуджіх і перевзятых назывниках: publikum – публіка, gymnázium –

ґімназія, múzeum – музей; die semmel – žemľa – землик і. т. п.;писаня мягкого знака в демінутівах і в назвах женьскых професій: кулька – кульцї, поштарька – поштарьцї; і др.); дакотры неясности в правописї префіксів роз-, рос-, без-, бес-, з-, с- (росказати – росказовати – розказ)...

 

До далшого засїданя, планованого на місяць фебруар2016, членове комісії приправлять свої коментарї ід пропонованым змінам і приготовлять далшы матеріалы на корекцію правил правопису.

 

Мґр. Зденка ЦІТРЯКОВА,інтерна докторандка ІРЯК ПУ, фотка авторкы.

Go back