Міджінародный день материньского языка

В цїлім світї 21. фебруара святкує ся Міджінародный день материньского языка (International Mother Language Day), установленый через UNESCO на ёго 30. вырочній громадї у новембрї 1999. Стало ся так на память подій з 21. фебруара 1952 року, кідь в містї Дака (теперь головне і найвекше місце в Банґладешу) проходили демонштрації за заведжіня бенґалского языка (банґля) як другого офіціялного языка товдышнёго Пакістану. В тых демонштраціях загынуло 5 штудентів.

Тот день мать припомянути, же жыєме в часах, коли недсподївано скоро вымерають різны языкы. Як твердять языкознателї – половина з днешнїх языків світа (вшыткых єсть коло 6 – 7 тісяч) є у ґрупі языків огрожены їх заником. Окрем того, як віщать шпеціалісты, на кінци ХХІ. стороча остане може коло 10% днешніх языків. Лем од 1950 року заникло уж коло 250 языків… Міджі огроженыма ся находить ся і русиньскій язык

„Язык – то найвеце реалный інштрумент сохранїня і розвитку нашой културной дїдовизны в єй матеріалных і нематеріалных формах. Вшыткы діяня і актівности, котры

сперають розшырованю материньского языка, помагають нелем языковій різнородности і велёязычности, але і повному зрозуміню языковых і культурных традіцій в цілым світї, як тыж солідарности, основаній на зрозумііню, толеранії і діалоґу.“

(З матеріалів ОSN на Міджінародный день материньского языка 2015.)